Jugi am Kantonalturnfest in Wettingen

Am 16.06.2022 om 05:54 Uhr simmer z'Meisti medem Bus gstarted Rechtig Wettige. So hämer doch ih de leschte Wochene flissig güebt und ah de Üebig gschliffe für euises Ziel s'KTF. De Wettkampf eröffnet händ die 16 Schuelstufebarre Turnerinne paralell zu de Fachtest Allrounder. Im zweite Wettkampteil hed mer sech med de andere Vereine uf de Wiitsprungalag gmässe oder bim Fachtest Unihockey. De Wettkämpferisch Abschluss händ Kids dene bide Pändelstaffette gha. Nachemne gmeinsame z'Mittag simer dänn all zämme ihd Badi euis go abchüele. So esch es doch sehr heiss gsy und s'Motto am Schatte noche und vel trinke esch unabdingbar gsy. Nochem Badi Bsuech heds dänn scho bald gheisse packe und ab an Bahnhof. Knappi 13 Stund nach Abfahrt esch Gruppe med 34 Chind und 9 Leiter müed aber überglücklich weder z'Meisti ahcho.
Danke allne Kids fürs Mittmache, de Leiter für de Support und bsunders de Flavia für die ganz Organisation.